الاثنين، 2 نوفمبر 2020
القلب في ورطة / بقلم الشاعر صبرى رسلان
القلب في ورطه (234)
....................
حد ينجيني ويلحقني
ده أنا قلبي فى ورطة
مسحور بعيونها
وشغلاني ..
ما فيهاش ولا غلطه ..
أنا قولت أقرب وأغازلها
وأهي ورطه بورطه
صدتني بقسوة
وكأني منقوع فى الشطه
ده أنا قلبي لا لاحق دقاته
ولا فاق من الخضه ..
سهرني ليالي
وما أرتاحتش
عالشوق بتلضى ..
مش قادر أنساه ولاثانيه
خد عقلي وودا ..
حد يدلني على باب بيته
وأبصم له بإمضا ..
وحراره الشوق تهدى
في قلبي أو تنزل شارطه
وأعيش في هناه
مرتاح بالي
وأفوق من الخضه ..
وفى حضني حبيبي
اللي عشيقته
وبحبه أتغطا ..
وما كانتش بحلم
دي حقيقه ..
تاه مني وعدا
ونسيت إن أنا
حبه ربطني
والقلب في ورطه
بقلم .. صبري رسلان
الاشتراك في:
تعليقات الرسالة (Atom)
ليست هناك تعليقات:
إرسال تعليق