دمعة حزن / بقلم الشاعر عازار الريم

. قطفة حبق دمعة حزن على وطني الذي يحترق حرائق ....... حرائق لك الله ياوطني باللغة المحكية وقفت عاجز عن التفكير هيدي الحرايق ..من غضب الله؟ يما من ناس نازلة بالوطن تدمير؟ ربيت في بيت الشر و الإجرام صرنا بعجز لا حيلة و لا تدبير و بتنا ضعاف كتير.... ما مننلام. سرقو الليرة من شقا الآباء و خطفو اللقمة من تم هالأبناء و ناس فلتانة دشر ربيانة عاحل الشعر و الشر منهجها و الحقد منبتها باعو الوطن بتلاتين فضيات و القدر ما بيعنيه شو صاير و البشر مستسلمة و رافعة الرايات. و الله ... بهالإيام مو فاضي شايف حروب بمعظم البلدان حاجي تدعي ي ليلى كتير عالفاضي او عللي بدل الصحة بدفقة الآلام نحنا شعب .... معذب و راضي و مع كل هيدا بيعشق الأنغام يا رب مد إيدك عوسع الكون و امحق رموز الظلم و الإجرام بلكي بشي فترة قبل ما منموت نسهر بليلة سعادة متل ماكنا و نشرب هنا و بعوافي ننام. عازار الريم سورية 10/10/2020 السبت