الأربعاء، 30 سبتمبر 2020
لا يا حبيبي / بقلم الاستاذ مصطفى عبد النبى
ﻻ ياحبيبى
لو كنت فاكر انى حعاتبك
او مستنى الومك او احاسبك
ﻻ
انتى اللى اخترتى تبعدى
انتى اللى عايزه تهجرى
يبقى ليه العتاب واللوم
ومين السبب فى العموم
ﻻ
اذا كان فى الحب غيره
وعذاب وسهد وحيره
وليالى طوال وعذاب ومرار
يبقى مفيش من الهجر حيله
ﻻ
لو اخترتى تبعدى متقربيش
لو قررتى تهجرى متهوبيش
خلى الحب زكرى جميلة
متفتحيش للوصل باب وﻻشيش
ﻻ
الحب عندى ييختلف
القلب منى بيعترف
ايام جميلة عشتها
ليالى طويله سهرتها
وحنين وشوق واشتياق
لكل همسة همستها
لكل نظره من عنيكى
حسيتها بقلبى وعشقتها
ﻻ
الحب عندى نجمة عاليه فى السما
اسهر معاها أناجيها بعينى وحتى بالوما
نقول كﻻم صادق نابع من القلب
ﻻ لوم وﻻ عتاب وﻻحتى كلمة إنما
ﻻ
الحب عندك يختلف
الحب عندك شك ونار وغيرة من اﻻلف
ﻻ ليها اساس من الصحة وﻻ ليها وجود
اﻻ فى خيالك واوهام منها قلبك بيغترف
ﻻﻻﻻﻻ
ياحبيبى
بقلمى: مصطفى عبد النبى
الاشتراك في:
تعليقات الرسالة (Atom)
ليست هناك تعليقات:
إرسال تعليق