الأربعاء، 23 سبتمبر 2020
مشتاق ضمك قد ما فيي بقلم / الشاعر عازار الريم
........قطفة حبق........
...........مشتاق ضمك قد ما فيي..........
ضيفك كنت في رحلة الأشواق.....
و الشعر عربد....على الكتفين اسبلتي ..
و عرفت...قديشو معك مبسوط......
و قديش هالخصلات.......دللتي ...
ياحلوتي...كتير عم تتأخري عليي ..
مجد العشق.......بالقلب حنيي .
لما حضرتي ....و شعشع الإلهام .
صار الفضا.......انسام عطريي .
و كنت قبل الوعد....يومين مش عم نام .
ناطر فرح من العاطفة .....هديي .
و لما سناكي ....بدد الأوهام ..
و صرتي ع تم الطير.....غنيي ..
و القلب معجوق سكران بالأحلام
و الروح طارت....على كتاف جنيي ..
لا تلومي العاشق....الولهان..مابينلام ..
و لا تحاسبي الشاعر.....عا صفا النيي
مشتاق .....غنيلك ..صفا الأنغام ....
مشتاق .....ضمك .......قد ما فيي....
عازار الريم سورية .
الاشتراك في:
تعليقات الرسالة (Atom)
ليست هناك تعليقات:
إرسال تعليق